ამ რეცეპტით საუკეთესო ხრაშუნა ქადები გამოდის

ინგრედიენტები

• კარაქი – 250 გ
• ფქვილი – 800 გ
• მაწონი – 300 მლ
• მარილი – 0.25 ჩკ
• სოდა – 1 ჩკ

• კარაქი – 150 გ
• შაქარი – 400 გ
• ფქვილი – 400 გ
• ვანილი – 2 ც
• კვერცხის ცილა – 1 ც

რძე – 2 სკ

კვერცხის გული – 1 ც

არაჟანი – 0.5 ჩკ

მომზადების წესი

ფქვილი და ცივი კარაქი (ან მარგარინი) კარგად გავაფხვიეროთ, მაწონში გავხსნათ სოდა, შემდეგ დავუმატოთ ფხვიერ მასას, ცომი კარგად დავამუშავოთ, ელასტიური ცომი უნდა მივიღოთ, მაცივარში დავაყოვნოთ დაახლოებით 2 საათი.

შემდეგ მოვამზადოთ შიგთავსი: ფქვილი მოვხალოთ ტაფაზე, შემდეგ გადავიტანთ ჯამში, დავუმატოთ კარაქი, შაქარი და ვანილი. კარგად გავაფხვიეროთ მასა.

ცომი გავყოთ 2 ტოლ ნაწილად, გავაბრტყელოთ, წავუსვათ კვერცხის ცილა, გადავანაწილოთ შიგთავსი და გადავახვოთ რულეტივით, ზემოდან წავუსვათ კვერცხის ნარევი, დავჭრათ სასურველ ზომაზე და გამოვაცხოთ 180°ზე 30-35 წთ.

უგემრიელესი ხრაშუნა ქადები მზადაა!