საგარეჯოში 38 წლის მამაკაცის მკვლელობაში ბრალდებული დაკავებულია. კახეთის სამხარეო პოლიციის დეპარტამენტის თანამშრომლებმა 40 წლის კაცი ცხელ კვალზე დააკავეს.
ინფორმაცია ამის შესახებ შინაგან საქმეთა სამინისტროში ადასტურებენ. დაკავებული კახეთის სამხარეო დეპარტამენტის წინასწარი დაკავების იზოლატორშია მოთავსებული. ამ დროის ინფორმაციით კონფლიქტი მხარეს შორის ურთიერთშელაპარაკების ნიადაგზე მოხდა, რა დროსაც კონფლიქტში მონაწილე პირმა 38 წლის მამაკაცს ცეცხლსასროლი იარაღიდან სასიკვდილო ჭრილობა მიაყენა.
- მოკლული ახალგაზრდა გიორგი ფეიქრიშვილია. მას ერთი შვილი დარჩა.
“უკარგესი იყო, წყნარი, მშვიდი… შოკი იყო ეს ამბავი ყველასთვის… გუშინ რა მოხდა არ ვიცი… ყველა გაოგნებულია მომხდარით… არავის არ სჯერა, რომ გიოს მტრები ჰყავდა და ასე გაიმეტეს. ერთი შვილი დარჩა” – გვიყვება მოკლულის ახლობელი.
შინაგან საქმეთა სამინისტროში აცხადებენ რომ გამოძიება სსკ-ის 108-ე, განზრახ მკვლელობის მუხლით დაიწყო.
წყარო: ambebi.ge
